Ënc & lies

Museum Ladin "Ciastel de Tor"

Tl Museum Ladin "Ciastel de Tor" vëgnel mostré sö momënc particolars da inlaota y d' aldedaincö di Ladins dles Dolomites; al vëgn fat löm sön i influsc che i avenimënc suraregionai á albü tla vita de chësta popolaziun y nosc edl vëgn condüt sön la corelaziun danter formes de contrada y manires de vire. Tl cör de nostes munts virel i Ladins dles Dolomites, plü de 30.000 porsones, che á n'identité caraterisada da dui elemënc de gran importanza: so lingaz particolar, che vá zoruch al latin vulgar, y lapró la contrada da munt dër singolara, amesa les Alpes dl süd. Ma por mirit dles condiziuns particolares de chësta contrada da munt á chësc lingaz - le plü vedl dla regiun - strënt ite danter le raiun de lingaz y cultura talian y todësch - podü se mantigní vi cina al dedaincö.

Museum Ladin "Ursus ladinicus"

Le Museum Ladin Ursus ladinicus é gnü daurí dl 2011 a San Ciascian tla Val Badia y é dediché ala laurs dl ander y ala geologia dles Dolomites. L'esposiziun, metüda fora sön trёi alzades, nes lascia odёi la storia y l'ambiёnt dla laurs di andri, che viô dan da 40.000 agn. Al vёgn mostré osc originai, dёnz y crёpes de na sort de laurs nöia, a chёra che al ti é gnü dé l’inom de Ursus ladinicus. Implü pón odёi istalaziuns video, n schelet de laurs di andri y na reproduziun de n "Ursus ladinicus che dorm". Na seziun a pert é dedicada ala nasciüda dles Dolomites, cun tröc corёc che nes mostra les tapes plü importantes.

Infurmaziuns: www.museumladin.it

Museum Gherdëina

L Museum de Gherdëina a Urtijëi pieta n cheder unich sun l’arpejon culturela dl raion. Culezions de curëc y minerei conta de coche l se à furmà i crëps dla Dolomites dan da passa 200 milions de ani, scultures y chiena da n iede documentea la storia dl ert’ dl ziplé dal 17ejim secul insù. Da udëi iel nce reperc archeologics y pitures de bera Ṥepl da Jumbierch y de d’autri artisć. 

Nformazions: www.museumgherdeina.it