![[Link] Website - Provinzia autonoma de Bulsan - Südtirol](/css/img/APBZ_Logo_Website_DE_IT_LAD.svg){kind=logo}
Sustëni finanziel
La Repartizion Aministrazion dla scola y cultura ladina possa cunzeder sustënies finanziei tl ciamp dla cultura aldò dla Lege provinziela per l'ativiteies cultureles di 27 de lugio 2015, n. 9. I sustënies ie regulamentei a puntin da criteres aldò dla deliberazions n. 886/2016, n. 153/2022, n. 935/2023, n. 963/2023 y n. 111/2017. L possa unì sustenì l'ativiteies che vën do:
- atività culturela anuela
- proiec culturei
- atività artistica
- atività editoriela
- atività de educazion y furmazion
- nvestimënc culturei.
Consulta culturela
La Jonta provinziela numinea, per l tëmp dla legislatura y sun pruposta dl cumëmber dla Jonta provinziela cumpetënt, consultes cultureles sciche organs consultifs per uni grupa linguistica. La consulta dà bënsteies n cont di vantajes economics che reverda l'atività culturela anuela, i proiec culturei, l'atività artistica y i nvestimënc culturei. Cun deliberazion dla Jonta provinziela n. 181 di 26.03.2024 ie la Consulta culturela per la grupa de rujeneda ladina unida numineda. Pert dla Consulta fej:
- Daniel Alfreider
- Lara Moroder
- Konrad Tavella
- Maria Teresa Mussner
- Ludwig Rindler
La dumandes per n sustëni de publicazions y ativiteies editorieles y la dumandes de contribut per ativiteies de carater educatif y formatif vën valutedes da na grupa de esperc metuda adum da Carlo Suani, Magdalena Lerchegger y Marion Perathoner.