Consultes provinziales dla jonëza

Les Consultes provinziales dla jonëza é organs consultifs dla Junta provinziala. Al nen é trëi: un por le grup linguistich todësch, un por chël talian y un por chël ladin. Ares vëgn nominades aladô dla lege provinziala nr. 13/1983 dala Junta provinziala y romagn en ciaria 3 agn.

Vigni Consulta dla jonëza é metüda adöm da porsones jones proponüdes da istituziuns dla jonëza (organisaziuns, zëntri dla jonëza y i.i.) y comuns, sciöche ince öna na rapresentanta/n rapresentant dl Consëi provinzial dles scores.

Te sentades regolares aconsiëieres sön domandes desvalies liades ala jonëza y al laur cun la jonëza y dá jö tutes de posiziun. Vigni Consulta dla jonëza pó mëte sö grups de laur y cherdé ite porsones espertes. Un n iade al ann se incunta les trëi Consultes provinziales dla jonëza por se baraté fora sön le laur cun la jonëza y baié de chestiuns che les reverda.